Республикалык штаб 21-майда өлкөдө коронавирустун 298 жаңы учуру катталганын маалымдады. Ооруну жуктургандардын арасында үч медкызматкер бар.
Аймактар боюнча:
Бишкек шаарында — 170 (эки медкызматкер);
Чүй облусунда — 69;
Ысык-Көл облусунда — 21;
Нарын облусунда — 12;
Ош шаарында — 10;
Ош облусунда — 5;
Талас облусунда — 5 (бир медкызматкер);
Жалал-Абад облусунда — 4.
Ошондой эле өткөн суткада 311 бейтап айыкты. Бишкек шаарында — 178, Чүй облусунда — 89, Ысык-Көл облусунда — 19, Ош шаарында жана Нарын облусунда алтыдан, Жалал-Абад облусунда беш, Баткен облусунда төрт, Талас облусунда үч жана Ош облусунда бир киши оорудан сакайды.
Мындан сырткары COVID-19дан Бишкек шаарында жана Чүй облусунда үчтөн бейтап көз жумду.
Жалпысынан Кыргызстанда COVID-19 инфекциясын жуктургандардын саны 101 878ге жетти. Оорудан 95 114 бейтап айыгып, 1 735 киши көз жумду.
Бүгүнкү күндө 1 551 бейтап ооруканаларда дарыланып жатышат — алардын 76сы өтө оор абалда. Мындан сырткары 2 459 киши үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
