Жапайы жаныбарларга жардам көрсөткөн «Бугу-Эне» коомдук фонду Караколдогу зоопаркта түркстан сүлөөсүнүнөн эки тараптуу пневмония аныкталганын кабарлады.
![](https://ky.kloop.asia/wp-content/uploads/sites/6/2021/05/190725760_3873862919406452_8530957806659336467_n.jpg)
Фонддон белгилешкендей, азырынча оорунун себеби белгисиз. Сүлөөсүндүн эркеги 24-майга караган түнү кароо жана дарылоо үчүн реабилитациялык борборго жеткирилген.
«Алты жыл мурда тоодо бир өлүмдөн калган. Бул жолу дагы сактап калууга аракет кылабыз», — деп билдиришти фонддон.
«Бугу-Эне» жаныбарларды сактап калууга көмөктөшүүнү каалаган жарандарга кайрылат. Жардам бергиси келгендер фонддун бир нече банктык эсебине жана «Элсом» капчыгына каражат которсо болот:
- VISA бизнес картасы 4169 6151 8789 2652
- «Элсом» электрондук капчыгы 0553634238
- «Оптима Банк» 1091820239920161, BIC/БИК 109018, SWIFT: ENEJKG22⠀
Түркстан сүлөөсүнү ак-илбирс сыяктуу эле Кыргызстандын кызыл китебине киргизилген, аны атуу же терисин сатуу үчүн 50 миң сом штраф салынат.