Чек ара кызматы кыргыз-тажик чек арасындагы абал чыңалуу деп бааланып жатканын билдирди.
Саат 17:30дан 18:00гө чейин Тажикстандын чек арачылары Баткен-Исфана жолунун Төрт-Көчө аймагында жол тосушкан.
Жаңжалга жол бербөө үчүн жерине полковник Кыялбек Төлөнбаев, Чек ара кызматынын Баткен облусу боюнча башкармалыгынын башчысы, ошондой эле Чек ара отрядынын полковниги Рустан Миршакиров жөнөп кетти.
Чек ара отряддары күчөтүлгөн тартипте кызмат өтөөгө өткөрүлдү.
Кыргыз-тажик чек-арасындагы куралдуу жаңжал
Тактала элек чек ара тилкеси чек арага жакын жайгашкан конуштарында — жер, суу жана чек арадан мыйзамсыз өтүү маселелеринде көптөгөн чыр-чатактардын чыгышына себепкер болот. Акыркы ири жаңжал 28-апрелде башталып, 1-майга чейин созулган.
Ал күнү өлкөнүн 100-150 жараны бири бирине таш ыргытышкан. Кыргызстандын чек ара кызматы чырдын чыгышына Көк-Таш айылындагы *«Головной» суу бөлүштүрүүчү жайында Тажикстандын жергиликтүү бийлиги тарабынан видео байкоочу камера орноткону себеп болгонун билдирген.
29-апрелде чар-чатак курчуп кеткен — чектеш аймактарда миномёт, пулемёт жана автоматтар колдонулган. Эки өлкөнүн чек арачылары бири-бирин жаңжалды баштады деп айыпташкан.
Эки өлкөнүн ортосундагы жаңжалдан 36 кыргызстандык каза болуп, 154 адам жабыркаган. Тажикстандын расмий маалыматы боюнча каза тапкандардын саны 19, ал эми жаракат алгандардын саны 87ге жеткен.
