Орусиянын экономика жана өнүктүрүү министрлиги ЕАЭБ өлкөлөрүнө дан өсүмдүктөрүн жана кумшекерди экспорттоого тыюу салды. Бул тууралуу ТАСС басылмасы ведомствонун басма сөз кызматына таянып жазды.
Министрликтин маалыматына ылайык, чектөө 2022-жылдын 31-августуна чейин киргизилди. Ведомстводон чечим өлкөнүн азык-түлүк коопсуздугун камсыздоо жана ички рынокту коргоо максатындан кабыл алынганын түшүндүрүштү.
Ведомстводон ЕАЭБ өлкөлөрүнө кумшекерди орус Айыл чарба министрлигинин уруксаты менен гана экспорттоого болорун кошумчалашты.
Кыргызстандын Айыл-чарба министрлиги «Клооптун» журналистине Орусиянын экспортко тыюу салуусу боюнча комментарий кийинчерээк бериле турганын айтышты.
