Бишкекте жашы жете элек кызга кол салууга шектелген киши кармалды. Бул тууралуу калаанын Ленин РИИБнин басма сөз кызматы кабарлады.
Маалыматка ылайык, 2021-жылдын 3-ноябрында калаанын тургуну милицияга арыз менен кайрылган. Ал Москва жана Интергельпо көчөлөрүнүн кешилишиндеги дүкөндө кечке маал кызына бир киши кол салып, 5 миң сомун күч менен тартып алганын айткан.
Бул факты боюнча «Каракчылык» беренеси менен кылмыш иши козголду. Укук коргоо орган кызматкерлери 26-жаштагы С.Ж аттуу шектүүнү кармап, он күнгө ТИЗО-1ге киргизишти.
