Министрлер кабинетинин төрагасы Акылбек Жапаров каникулдун башталышынын урматына депутаттарды 30-июнга чайга чакырды. Бул тууралуу ал Жогорку Кеңештин 29-июндагы отурумунда жарыялады.
Жапаров бул маселе боюнча Талант Мамытов менен акылдашканын айтты.
«Кечинде болсо Талант Турдумаматович менен акылдаштык эле, кап этпесеңиздер, дасторкон үстүндө бири-бирибиздин көңүлүбүздү көтөрүп, сиздерди жакшы каникулдарды өткөрүп келүүгө, өзүңүздөрдүн шайлоочулар менен жолугуп келип, бизге дагы бир топ тапшырмаларды ала келиңиздер деп жөнөтүп коюуга уруксат этиңиздер. Кечинде саат 20:00дө күтөбүз», — деди минкабдын төрагасы.
Бирок иш-чара кайсы жерде өтөрүн айткан жок.
Былтыр депутаттар сессия бүткөндөн кийин каникулга кетерде Rixos Hall ресторанына чогулуп майрамдашкан.
