4-июлда Ысык-Көл облусундагы Балыкчы — Ананьево — Каракол унаа жолунда жол кырсыгынан 7 жаштагы бала менен 69 жаштагы киши каза болду. Дагы 12 киши ооруканага жеткирилди. Бул тууралуу ӨКМ маалымдады.
Маалыматка ылайык, 4-июль күнү кечки саат 19:30 чамасында Honda Odyssey менен Toyota Estima үлгүсүндөгү унаалар кагышкан.
Жерине барган куткаруучулар маркумдардын сөөгүн унаадан чыгарым милиция кызматкерлерине өткөрүп беришти.
Ушул жылдын 19-июнь күнү Кара-Суу районунун Лангар айылында жол кырсыгы катталып, эки адам каза тапкан. Анда Ford Focus унаасынын айдоочусу менен Hyundai Porter жүк ташуучу унаасы кагышкан.
Автокырсыктан жараат алган төрт бейтап Кара-Суу райондук ооруканасына өтө оор абалда жеткирилген. Эки бейтап кайра жандандыруу, ал эми калган экөө травматология бөлүмүнө жаткырылган.
