Ош облусунун Өзгөн районунда массалык мушташтан качып бараткан 14 жаштагы өспүрүм жардан кулап каза тапты. Бул тууралуу «Клоопко» Ош ОИИБден билдиришти.
Маалыматка караганда, 16-октябрга караган түнү Өзгөндүн Киров айылында мектеп окуучулары коңшу Шагым айылындагы теңтуштары менен мушташышкан. Анда мушташ болгон жерден качып баратып өспүрүм жардан кулап кеткен.
Ал эми 16-октябрда саат 10:00 чамасында атасы өспүрүмдү бийик жардын түбүнөн жаракат алган абалда таап, ооруканага алып барган. 17-октябрда өспүрүм ооруканадан өзүнө келбей каза болгон.
Учурда бул факты милицияга катталып, тергөө башталды. Тиешелүү экспертиза дайындалып, күбөлөр суралып жатат.
