Депутат Шайырбек Ташиев Кыргызстандын базарларында өзбек товарларынын көптүгүнө нааразы болгон Ноокендин тургунунун «бузуку» деп атады.
Депутаттардын Жалал-Абад облусунун Ноокен районунун жашоочулары менен жолугушуусунда тургун жергиликтүү базарлар өзбек товарларына толуп калганын айтып нааразы болгон.
«Быйыл Өзбекстандын жарандарына жалпы жарандык паспортту жок кылып, ID-карта менен кирип чыкканга уруксат берип койдуңар. [Азыр] базар өзбек товарларына толуп калды. Кайдагы өндүрүштү колдойсуңар? Каяктагы ишкерлик? Каяктагы кооз сөздөр?» — деп суроо узаткан тургун.
Тургунга Ташиев мындай билдирүүлөр мээнет менен түзүлгөн эки мамлекеттин ортосундагы мамилени бузуп жатат деп жооп берген.
«Эки мамлекеттин ортосунда сизге окшогон бузукулар азырак болуш керек. [...] [Өзбекстандын] товары толуп кетти деп жатасыз. Сиз анда арзаныраак мөмө-жемиш өндүрүңүз. Конкуренцияга кимдики чыдаса, ошол сата берсин. Сиз редиска, помидорду алардан арзаныраак өндүрүп, сатыңыз анда», — деген Ташиев жолугуушууда.
