Өзгөчө кырдаалдар министрлигине Корея мамлекетинен 4 тез жардам унаасы тапшырылды. Бул тууралуу 19-апрелде ӨКМден билдиришти.
Маалыматка ылайык, 18-апрелде тез жардам унааларын расмий кабыл алуу иш-чарасы болуп, ага Өзгөчө кырдаалдар министри Бообек Ажикеев жана Кореянын GO&DO социалдык камсыздандыруу фондунун өкүлдөрү катышты.
![](https://ky.kloop.asia/wp-content/uploads/sites/6/2023/04/342053346_964541654902002_5400437695614179236_n.jpg)
![](https://ky.kloop.asia/wp-content/uploads/sites/6/2023/04/342030898_748892316589397_2652987203674146530_n.jpg)
![](https://ky.kloop.asia/wp-content/uploads/sites/6/2023/04/342015063_993114005434928_3037188270062253470_n.jpg)
![](https://ky.kloop.asia/wp-content/uploads/sites/6/2023/04/342007012_1613209025852503_431181295986891946_n.jpg)
Унаалар эки өлкөнүн макулдашуусунун негизинде, Кореянын Кёнгидо провинциясынын өрткө каршы башкармалыгы тарабынан бөлүнгөн.
Иш-чаранын жүрүшүндө Ажикеев Кёнгидо провинциясынын өзгөчө кырдаалдар министрлигине жана тез жардам унааларын Кыргызстанга жеткирүүгө көмөктөшкон GO&DO социалдык камсыздандыруу фондуна ыраазычылык билдирди.
Буга чейин 2021-жылдын башында Ислам өнүктүрүү банкы Саламаттык сактоо министрлигине 66 жаңы тез жардам унаасын белек катары берген. Алар эки баскыч менен өлкөнүн жети облусундагы медициналык мекемелерге бөлүнүп берилген.