Чүй облусунун Москва райондук милициясы диний кастыкты козутууга шектелген адамды кармады. Бул тууралуу 22-майда Чүй ОИИБнин басма сөз кызматы билдирди.
Милициянын маалыматына ылайык, шектүү жергиликтүү тургундун арызынын негизинде кармалган. Арыз жазган аял шектүү киши көптөн бери диний жана социалдык темадагы постторду жазып жүргөн, мындан улам үй-бүлөсүнө коркунуч туулганын билдирген.
Чүй ОИИБнен шектүүнүн постторунун экспертизасы аларда коом менен салттык диндин ортосунда кастыкты козутуунун белгилерин көрсөткөнүн кошумчалашты.
Шектүү 20-майда кармалып, «Рассалык, этникалык, улуттук, диний кастыкты козутуу» беренесинин негизинде убактылуу кармоочу жайга киргизилди.
Автору: Нуриза Уланбек кызы
