Кыргызстандын Улуттук банкы акча которууга коюлган чектөөлөрдү алды — эми акчаны кайсы валютада жөнөтсө, ошол валютада алса болот. Бул тууралуу 1-августта банктын басма сөз кызматынан билдиришти.
Мындай токтомду Улуттук банк 2023-жылдын 26-июлунда кабыл алды.
Мындай чечим өлкөнүн ички валюта рыногундагы кырдаалдын турукташуусуна байланыштуу, ошондой эле чет элдик валюта менен «мүмкүн болгон алып-сатарлык операциялардын алдын алуу» үчүн кабыл алынганын түшүндүрдү.
Кыргызстандыктар акча которууларды сом менен жана алар келген өлкөнүн валютасында гана ала алат деген чектөөнү Улуттук банк 2022-жылдын апрелинде киргизген.
Автору: Медина Шамшидинова
