Президенттик администрациянын маалыматтык саясат кызматынын башчысы Дайырбек Орунбеков Орусия Кыргызстандын ӨКМне Ми-8 МТВ тик учагын бергенин билдирди. Бул тууралуу ал өзүнүн Фейсбуктагы барагында жазды.
Анын айтымында, бул президент Садыр Жапаровдун орусиялык кесиптеши Владимир Путин менен жүргүзгөн сүйлөшүүсүнүн натыйжасы.
Ал ӨКМ тик учактын кошумча шаймандарына да ээ болгонун айтты — медициналык модуль, өрт өчүрүчүү шайманы, жүргүнчү отургучтары жана башкаларды. Анын айтымында, тик учак азыркы учурда Бишкекке жеткирилген.
Соңку учурда бийлик ӨКМдин техникалык базасын активдүү жаңылап жатат. Алсак, 2023-жылдын февралында ӨКМ 85 өрт өчүрүүчү унаа, 10 авариялык-куткаруучу унаа, 3 автошаты жана 2 штабдык машина алган. Бул техникалар бардык аймактарга бөлүштүрүлүп жатат. Алар кытай грантынын эсебинен алынган.
Мартта Орусия Кыргызстанга беке 40 өрт өчүрүүчү унаа берген.
