Кыргызстандык балбандар Албанияда өткөн 23 жашка чейинкилер арасындагы дүйнө чемпионатында үч коло медаль утту. Бул тууралуу 30-октябрда Дене тарбия жана спорт департаментинен кабарлашты.
Эркин күрөш боюнча 57 килограммга чейинки салмакта күч сынашкан Бекзат Алмаз уулу казак спортчусун жеңип коло байге тагынды.
Посмотреть эту публикацию в Instagram
Дагы бир эркин күрөш балбаны Тайырбек Жумашбек уулу 61 килограммга чейинки салмакта беттешип, коло үчүн болгон таймашта индиялык атаандашын утту.
Посмотреть эту публикацию в Instagram
Ал эми грек-рим күрөшү боюнча кураманын жалгыз медалын Ырыскелди Максатбек уулу (77 кг) алып келди. Ал Сербиянын балбанын жеңип, коло байгеге ээ болду.
Посмотреть эту публикацию в Instagram
Бул жолку күрөш боюнча 23 жашка чейинкилер арасындагы дүйнө чемпионаты 23-29-октябрь аралыгында Албаниянын Тирана шаарында болуп өттү. Мелдешке жалпы 18 кыргызстандык балбан катышты.
