Ишкерден 200 миң доллар пара алып жаткан жеринен кармалган президенттин Баткен облусундагы ыйгарым укуктуу өкүлүнүн мурдагы кеңешчиси Талантбек Мамытов үй камагына чыгарылды. Бул тууралуу «Клоопко» 22-январда Баткен облсоттон тастыкташты.
Маалыматка ылайык, мындай чечимди Баткен райондук соту 17-январда чыгарды.
Өткөн жылы 23-ноябрда президенттин Баткен облусундагы ыйгарым укуктуу өкүлүнүн кеңешчиси көмүр казуучу ишкананын башкы директорунан пара алып жаткан жеринен кармалган. Шектүүгө «Опузалап талап кылуу» беренесинин негизинде кылмыш иши козголгон.
Ал эми 24-ноябрда облус башчысы Абдикарим Алимбаев кеңешчисинин кармалганы тууралуу видео кайрылуу жарыялап, «окуяга тиешеси жок экенин жана кылмышка шектүү мыйзам алдында жооп бериши керектигин» айткан. Баткен райондук соту Мамытовду 21-январга чейин камакта калтырган.
Талантбек Мамытов 2020-жылы Жогорку Кеңештин депутаттыгына «Мекенчил» партиясынын атынан ат салышкан.
ТЕМА БОЮНЧА:
Пара алууга шектелип жаткан президенттин Баткендеги өкүлүнүн кеңешчиси эки айга камалды
УКМК: Президенттин Баткендеги өкүлүнүн кеңешчиси 200 миң доллар пара алууга шектелип кармалды
