Санитардык-эпидемиологиялык көзөмөлдөө мамлекеттик борбору Бишкекте «Ашкана № 1» тамактануу жайында массалык уулануу катталганын билдирди. Андан улам 22 адам оорукана түшкөн.
«Бул ар башка адамдардын тобу. Алар ашканага 25-26-майда барышкан. Бишкектин ооруканаларына 13 адам, Токмоктукуна 9 адам түштү. Уулангандардын баары аталган ашканадан тамактанганын айтышууда», — дешти мекемеден.
Окуяны иликтөө учурунда ашкана жабылып, кожоюндарына 15 миң сом айып салынды.
«Ашкана №1» тамактануу жайынынын Кыргызстан боюнча бир нече филиалы бар. Адамдар ууланган ашкана Москва көчөсүндө, Улуттук госпиталдын тушунда жайгашкан.
Материалды даярдагандар: Бегимай Арстанбекова жана Нурсултан Үсөнов.
