Өлкөдө томолой жетим жана жарым жетим балдардын пенсиясы көтөрүлдү. Бул тууралуу басма сөз жыйында Социалдык фонддун төрагасынын биринчи орун басары Теңизбек Абжапаров билдирди.
Ал 1-январдан тартып ата же энесинен ажыраган балдардын социалдык пенсиясы 1500 сомдон 2000 сомго, ал эми томолой жетим балдардыкы 3000 сомдон 6000 сомго көбөйтүлгөнүн айтып берди.
2021-жылдын сентябрында президент Садыр Жапаров 2021-жылдын 1-октябрынан жана 2022-жылдын 1-январынан тартып «Жарандардын айрым категорияларына ар айлык социалдык жөлөкпулдардын өлчөмдөрүн жогорулатуу жөнүндө» жарлыкка кол койгон.
