Президент Садыр Жапаров менен УКМКнын төрагасы Камчыбек Ташиев 13-сентябрда УКМКнын Чек ара кызматынан учкучсуз учуучу аппараттарынын базасын ачышты. Бул тууралуу президенттик аппараттан кабарлашты.
Жапаровдун айтымында, база Кыргызстандын чек араларын коргоо боюнча Куралдуу күчтөрдүн жер үстүндөгү күчтөрү менен аскер бөлүкчөлөрүн абадан коргоо боюнча негизги милдеттерин аткарат.
«Мына ошондуктан Кыргызстандын чек ара коопсуздугун камсыздоо мамлекеттин артыкчылыктуу багыттарынын бири болуп эсептелет. Биз чек арачыларыбыздын мүмкүнчүлүктөрүн өркүндөтүүгө бардык чараларды көрүүгө жооптуубуз», — деди президент.
Жапаров былтыр Чек ара кызматы үчүн республикалык бюджеттин эсебинен биринчи жолу учкучсуз учуучу аппараттар сатып алынганын белгиледи. Өлкө башчысы «Кыргызстан — тынчтыкты сүйгөн өлкө экенин, куралдуу күчтөрдү күчтөндүрүүгө болгон аракеттер коргонууга гана багытталарын» кошумчалады.
Президенттик аппараттан «Байрактар» учкучсуз аппараттарын тийиштүү окууларды өтүп келген Чек ара кызматынын офицерлери башкарып жатканын белгилешти.
