Орусиянын Москва шаарында өткөн Poddubny Wrestlin League турниринде кыргызстандык балбандар Жоламан Шаршенбеков менен Эрназар Акматалиев алтын байгени багындырышты.
Маалыматка ылайык, Жоламан Шаршенбеков рек-рим күрөшү боюнча 60 килограмм салмакта күч сынашты. Ал финалдык беттеште Орусия курамасынын лидерлеринин бири Анвар Аллаяровду 9:6 эсебинде утту.
Ал эми Эрназар Акматалиев эркин күрөш боюнча 70 килограмм салмакта беттеш өткөрдү. Ал финалда орусиялык балбан Иналбек Шериев менен кез келип, 8:6 эсебинде жеңдишке жетти.
Чемпионат рейтингдик жана дүйнөлүк баскычтарга бөлүнүп, олимпиадалык стилде — эркин, грек-рим жана кыз-келиндер күрөшү боюнча мелдеш өттү.
WRESTRUS.RU басылмасынын маалыматына ылайык, Орусиянын Күрөш федерациясы уюштурган мелдеш 13-14-октябрда Москва шаарында өттү. Ага ондон мамлекеттен миңге жакын спортчу катышты.
Турнирдин байге фонду 60 миллион рублдан ашык болсо, ар бир салмак категориясы боюнча жеңүүчүлөргө 2 миллион рублдан сыйлык берилди.
