Президент Сооронбай Жээнбеков 4-сентябрда Гүлмира Кудайбердиеваны Билим берүү жана илим министрлигинин башчылык кызматынан бошотуу тууралуу жарлыкка кол койду. Жарлыкта Кудайбердиеванын бошотулушунун себеби айтылган эмес, бирок мындай чечим «берген арызына ылайык» кабыл алынганы кабарланган.
Кудайбердиева жана ал жетектеген ведомство мектеп окуучулары алган китептердеги, анын ичинде студенттерге берилчү аттестаттардагы каталардын айынан бир нече ирет сынга алынган.
Өкмөт башчысы Мухаммедкалый Абылгазиев соңку сыйындардын биринде Кудайбердиевага китептердеги ката маселелерин «катуу көзөмөлгө алууну» тапшырган болчу.
Гүлмира Кудайбердиева билим берүү министри болуп 2016-жылы дайындалган. Ал буга чейин өлкөнүн вице-премьер-министри болгон, ошондой эле президенттин аппаратынын социалдык саясат бөлүмүнүн жетекчиси болуп эмгектенген.
