«Азаттык» бажыдагы аткезчилик жана коррупция боюнча журналисттик иликтөөдөгү материалдарды УКМКга өткөрүп берди. Бул иликтөөнү «Азаттык» OCCRP жана Kloop.kg менен биргеликте жасаган. Бир нече бөлүктөн турган материалдарда Кыргызстандан кандайча аткезчилик өткөнү баяндалат. Мындан бир гана Кыргызстан эле эмес жана дагы ЕАЭБдин башка мүчөлөрү да жабыркаган.
Аткезчилик кылуу үчүн бажы кызматынын башчысынын мурдагы орун басары Райымбек Матраимов менен байланыштуу коррупциялык тармак жөнгө салынган. Ноябрда өлтүрүлгөн маалыматчы Айэркен Саймаитинин айтымында, Матраимовдун коррупциялык тармакта маанилүү орду болгон. Мындан тышкары, Матраимовдун жубайы аткезчиликтин башчысы Хабибула Абдукадыр менен бирге ишкердик кылган.
Иликтөөгө көптөгөн документтер тиркелген — аны көчүрүп алууга болот эле. Ошондой эле ачык маалыматтар тууралуу учкай кеп болгон. Бирок Президент Жээнбеков бир нече жолу ага факт керектигин айткан. Ал эми жакында эле иликтөөчү журналисттерден бардык документтерди УКМКга өткөрүп берүүнү суранган.
«Керек болсо кепилдик берем. Келип факт бергиле. Мунун баары бүтөт. Ошол далилдерди органдарга алып келишсин. Чыдап тургула. Биз чындык үчүнбүз. Чындык болот», — деп айкан өлкө башчы.
Атайын кызматка иликтөөдөгү документтердин көчүрмөсү, видео жана аудио жазуулар өткөрүлүп берилген.
«Берилген материалдар же ага байланышы бар кандай гана маалымат болбосун кыянаттык менен пайдаланылса, биздин журналисттердин, иликтөөгө аралашкан кызматкерлердин жана алардын үй-бүлө мүчөлөрүнүн коопсуздугуна тынчсызданабыз. Медиа мекеме ошондой эле УКМК журналисттердин жана алардын үй-бүлө мүчөлөрүнүн коопсуздугун камсыздоо үчүн бардык чараларды көрөт деген ишенимин билдирет», — деп жазган «Азаттык» УКМКга жөнөткөн катында.
Матраимовдордун үй-бүлөсү 9-декабрда ар-намысты жана кадыр баркты коргоо боюнча «Азаттык» үналгысын, Kloop.kg жана 24.kg басылмаларын сотко берген. Доого ылайык, Матраимовдор «Азаттыктан» 22,5 млн сом, «Клооптон» 12,5 млн сом жана Али Токтакуновдон 10 млн сом компенсация өндүрүүнү көздөшүүдө.
Мындан тышкары, алар 24.kg басылмасынан 15 млн сом компенсация алууга аракет кылышууда. Бул басылма журналисттик иликтөөнүн үстүндө иштеген эмес, бирок алар аны өз сайтына жарыялашкан.
Бизди сотко берүүгө негиз болгон журналисттик иликтөөлөрдү окуп көрүңүз:
