Коррупцияга каршы активист жана экс-депутат Ширин Айматова 20-декабрга караган түнү күйөөсү Сыргак Кенжебаев Алмата аэропортунан кармалганы жана балким уурдалганы тууралуу билдирген. Айтматова үй-бүлөсү менен бирге апасын дарылатуу үчүн чет өлкөгө учуп кетиши керек болуп, Кенжебаев аларга Алматадагы транзит учурунда кошулушу керек болгон.
Жоголуу
Айтматова апасы жана балдары менен Бишкектен Алматага учуп келгенден кийин ага Кенжебаевден «мени кармап кетишти» деген кат келген. Мындан кийин ал байланышка чыкпай калган. Айтматованын айтымында, ага «Эйр Астана» авиакомпаниясынын өкүлү чыгып, Кенжебаев рейске катоодон өткөнүн, бирок эч жака уча албасын билдирген.
Казакстандын ИИМи жана чек ара кызматы Айтматовага Кенжебаев кармалганын тастыкташкан эмес. «Клооп» Казакстандын Улуттук коопсуздук комитети (УКК) менен байланышууга аракет кылып, бирок ведомство комментарий үчүн жеткиликсиз болду.
УКМКнын тергөө абагы
Всем спасибо за беспокойство и поддержку. Мужа арестовали по линии ГКНБ в аэропорту Алматы и доставили в Бишкек. Будем разбираться. Репрессии продолжаются.
— Shirin Aitmatova (@AitmatovaShirin) December 19, 2019
20-декабрда Кенжебаев УКМК аркылуу кармалып, Бишкекке жеткирилип, Улуттук коопсуздук мамкомитетинин тергөө изоляторуна (ТИЗО) киргизилгени белгилүү болгон.
УКМК билдиргендей, аларга Кенжебаевдин үстүнөн Кытайдын М.М жараны арыз менен кайрылган. Ал Айтматованын жолдошун 350 000 долларга ээлик кылып алган деп билдирип, алдамчылыкка айыптаган. УКМКнын маалыматына ылайык, Кытайдын жараны Кыргызстанга «Коопсуз шаар» долбоорунун конкурсуна катышканы келген жана ал Кытайдын ири компанияларынын биринин өкүлү болуп эсептелет. Айтматованын айтымында, М.М бул уйгур тектүү Муталиф деген кытайлык ишкер.
«Муталиф АКА корпорациясынын бирөөсү окшойт. Президенттин кудасы депутат Абжалиев күйөөмдү Аскар жана Муталиф аттуу эки уйгур менен тааныштырганын билем», — дейт Айтматова. Ал күйөөсүнүн кармалышын репрессия деп эсептейт.
«АКА» корпорациясы таасирдүү кытайлык бизнесмен жана аткезчилик жөнүндөгү журналисттик иликтөөнүн каарманы Хабибула Абдукадырга таандык.
Ширин Айтматова — парламенттин мурдагы депутаты жана дүйнөлүк адабияттын классиги Чыңгыз Айтматовадун кызы.
Ал 2019-жылы коррупцияга каршы активисстик иш алып бара баштап, «Үмүт 2020» кыймылын негиздеген. Анын иликтөөсүнүн башкы объектиси бажы бажчысынын мурдагы орун басары Райымбек Матраимов болгон.
Ал Абдукадырдай эле «Азаттык», «Клооп» жана OCCRPнин кыргыз бажысындагы коррупция тууралуу биргелешкен иликтөөсүнүн фигуранты. Журналисттик иликтөө үстүбүздөгү жылдын ноябрь жана декабрь айларында чыккан. Ал материалдар жарык көргөндөн кийин Матраимов жана анын туугандары иликтөөнү жазган журналисттерди сотко беришкен.
УКМК иликтөөдө айтылган жагдайларды иликтей баштап, Ширин Айтматованы да суракка чакырган.
