Республикалык штаб 17-декабрда өлкөдө коронавирустун жаңы 264 учуру катталганын маалымдады. COVID-19ду жуктургандардын арасында сегиз медициналык кызматкер бар.
Аймактар боюнча:
Бишкек шаары — 86 (төрт медкызматкер);
Чүй облусу — 60;
Ысык-Көл облусу — 44 (эки медкызматкер);
Ош облусу — 25;
Жалал-Абад облусу — 20;
Нарын облусу — 13;
Баткен облусу — 11 (эки медкызматкер);
Талас облусу — 3;
Ош шаары — 2.
Ошондой эле акыркы суткада коронавирустан 386 бейтап сакайды — алардын арасында тогуз медкызматкер бар.
Коронавирустан Бишкек шаарында — 115, Чүй облусунда — 110, Ысык-Көл облусунда — 41, Баткен облусунда — 31, Жалал-Абад облусунда — 28, Ош облусунда — 20, Талас облусунда — 18, Ош шаарында — 15 жана Нарын облусунда сегиз бейтап сакайып, ооруканадан чыгарылды.
Мындан сырткары коронавирус Бишкек шаарында, Баткен, Ош жана Ысык-Көл облустарында бирден бейтаптын өмүрүн алды.
Ушуну менен Кыргызстанда COVID-19 инфекциясын жуктургандардын саны 78 415ке жетти. Анын ичинен 71 656 бейтап айыгып, 1 321 киши көз жумду.
Бүгүнкү күндө илдеттен 1 815 бейтап ооруканаларда дарыланып жатат — алардын ичинен 89 киши өтө оор абалда. Ошондой эле, 2 743 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
