Республикалык штаб 3-февралда Кыргызстанда коронавирус 116 кишиден аныкталганын маалымдады. Ооруну жуктуруп алгандардын арасында эки медкызматкер бар.
Аймактар боюнча:
Бишкек шаарында — 54 (бир медкызматкер);
Чүй облусунда — 45 (бир медкызматкер);
Ысык-Көл облусунда — 11;
Ош облусунда — 5;
Баткен облусунда — 1.
Ошондой эле өткөн суткада коронавирустан 130 бейтап айыкты.
Коронавирустан Бишкек шаарында — 55, Чүй облусунда — 41, Ысык-Көл облусунда — 20, Ош жана Нарын облустарында төрттөн, Ош шаарында үч, Жалал-Абад облусунда эки жана Баткен облусунда бир бейтап сакайып, ооруканадан чыгарылды.
Мындан сырткары Бишкек шаарында COVID-19 жуктурган бир киши каза болду.
Ушуну менен Кыргызстанда COVID-19 инфекциясын жуктургандардын саны 84 762ге жетти. Алардын ичинен 81 232 бейтап айыгып, 1 415 киши көз жумду.
Бүгүнкү күндө илдеттен 533 бейтап ооруканаларда дарыланып жатат — алардын ичинен 32 киши өтө оор абалда. Ошондой эле, 646 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
