![](https://ky.kloop.asia/wp-content/uploads/sites/6/2021/04/171505890_809164366358014_5505408393544310551_n.jpg)
Кайгуул милициясынын басма сөз кызматы 11-апрелде Бишкек шаарында кызга кол көтөрүүгө шектелген жаран кармалганын билдирди.
Алардын маалыматына караганда, окуя Кустанай жана Дэн Сяопин көчөлөрүнүн кесилишинде болжол менен саат 19:00дө болгон. Милиция келген учурда 1987-жылы туулган жабырлануучу чала тааныш адам аны сабап, Mercedes Benz унаасына отуруп качып кеткенин айткан.
Шектүү кылмыштын изи сууй электе колго түшкөн. Ал 1992-жылы туулган жаран болуп чыккан. Окуянын чоо-жайын иликтөө үчүн кармалган адам Биринчи май райондук ички иштер бөлүмүнө жеткирилген. Иштин материалдары КЖБРге «Ээнбаштык» беренеси менен катталган.