Республикалык штабдан 17-майда коронавирустун жаңы 259 учуру катталгандыгын маалымдашты. Анын ичинде лаборатордук тастыкталганы — 182, клинико-эпидемиологиялык тастыкталганы — 77.
Аймактар боюнча көрсөткүч:
Бишкек шаарында — 161;
Чүй облусунда — 44;
Ысык-Көл облусунда — 24;
Ош шаарында — 1;
Жалал-Абад облусунда — 10;
Талас облусунда — 5;
Нарын облусунда — 14.
Жалпысынан Кыргызстанда COVID-19га чалдыккан бейтаптардын саны 100 732ге жетти.
Ал эми акыркы суткада 284 бейтап коронавирустан айыгып, үйлөрүнө чыгарылды. Бишкек шаарында — 194, Чүй облусунда — 51, Ош, Жалал-Абад, Баткен облустарында — экиден, Нарын облусунда — 5, Ысык-Көл облусу — 22, Ош шаары — 6 бейтап сакайды.
Ушуну менен өлкө боюнча 93 886 киши оорудан айыкты. Ооруканаларда 1 694 бейтап дарыланып жатат. Анын ичинен 447 киши оор, 89 бейтап өтө оор абалда. Ал эми үй шартында 2 435 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 3 409.
Мындан сырткары, акыркы суткада Бишкек шаарында — беш, Чүй облусунда — эки, Ысык-Көл облусунда — бир COVID-19ду жуктурган бейтап каза болду. Кыргызстанда илдеттен 1 711 киши көз жумду.
Ошондой эле, акыркы суткада 6 медицина кызматкери коронавируска чалдыкты. Бишкек шаарында — 4, Ысык-Көл жана Чүй обулстарында — бирден медиктен коронавирус катталды. Жалпысынан коронавирус жуктурган медицина кызматкерлеринин саны 4 552ге жетти, анын ичинен 4 482 медкызматкер илдеттен айыкты.
