28-майда коронавирустун жаңы 283 учуру катталды. Анын ичинде лаборатордук тастыкталганы — 218, клинико-эпидемиологиялык тастыкталганы — 65. Бул тууралуу республикалык штабдан маалымдашты.
Аймактар боюнча көрсөткүч:
Бишкек шаарында — 169;
Чүй облусунда — 35;
Ысык-Көл облусунда — 26;
Ош шаарында — 15;
Жалал-Абад облусунда — 15;
Ош облусунда — 5;
Талас облусунда — 4;
Баткен облусунда — 6;
Нарын облусунда — 8.
Жалпысынан Кыргызстанда COVID-19га чалдыккан бейтаптардын саны 103 866га жетти.
Ал эми акыркы суткада 391 бейтап коронавирустан айыгып, үйлөрүнө чыгарылды. Бишкек шаарында — 278, Чүй облусунда — 68, Ош шаарында — 7, Ош жана Талас облустарында — экиден, Ысык-Көл облусунда — 20, Жалал-Абад облусунда — 3, Нарын облусунда — 11 бейтап сакайды.
Ушуну менен өлкө боюнча 97 542 киши оорудан айыкты. Ооруканаларда 1 658 бейтап дарыланып жатат. Анын ичинен 422 киши оор, 90 бейтап өтө оор абалда. Ал эми үй шартында 1 854 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 5 028.
Мындан сырткары, акыркы суткада Бишкек шаарында — төрт, Чүй, Талас облустарында жана Ош шаарында — бирден COVID-19ду жуктурган бейтап каза болду. Кыргызстанда илдеттен 1 788 киши көз жумду.
Ошондой эле, акыркы суткада Бишкек шаарында бир, Ош шаарында жана Баткен облусунда эмгектенген экиден медкызматкер коронавируска чалдыкты. Жалпысынан коронавирус жуктурган медицина кызматкерлеринин саны 4 637ге жетти, анын ичинен 4 560 медкызматкер илдеттен айыкты.
