1-июнда коронавирустун жаңы 382 учуру катталды. Анын ичинде лаборатордук тастыкталганы — 295, клинико-эпидемиологиялык тастыкталганы — 87. Бул тууралуу республикалык штабдан маалымдашты.
Аймактар боюнча көрсөткүч:
Бишкек шаарында — 184;
Чүй облусунда — 70;
Ысык-Көл облусунда — 27;
Ош шаарында — 40;
Ош облусунда — 24;
Жалал-Абад облусунда — 20;
Талас облусунда — 2;
Баткен облусунда — 5;
Нарын облусунда — 10.
Жалпысынан Кыргызстанда COVID-19га чалдыккан бейтаптардын саны 105 111ге жетти.
Ал эми акыркы суткада 329 бейтап коронавирустан айыгып, үйлөрүнө чыгарылды. Бишкек шаарында — 200, Чүй облусунда — 51, Ош шаарында жана Нарын облусунда — он үчтөн, Ош жана Талас облустарында — ондон, Ысык-Көл облусунда — 14, Жалал-Абад облусунда — 17, Баткен облусунда — бир бейтап сакайды.
Ушуну менен өлкө боюнча 98 873 киши оорудан айыкты. Ооруканаларда 1 634 бейтап дарыланып жатат. Анын ичинен 429 киши оор, 86 бейтап өтө оор абалда. Ал эми үй шартында 1 758 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 4 990.
Мындан сырткары, акыркы суткада Бишкек шаарында — эки, Чүй облусунда — беш COVID-19ду жуктурган бейтап каза болду. Кыргызстанда илдеттен 1 815 киши көз жумду.
Ошондой эле, акыркы суткада 11 медицина кызматкеринен коронавирус аныкталгандыгы кабарланды. Бишкек жана Ош шаарларында — үчтөн, Чүй облусунда — бир, Ош облусунда — төрт медиктен илдет аныкталды. Жалпысынан коронавирус жуктурган медицина кызматкерлеринин саны 4 674кө жетти, анын ичинен 4 581 медкызматкер илдеттен айыкты.
