24-июлда коронавирустун жаңы 1 147 учуру катталды. Анын ичинде лаборатордук тастыкталганы — 937, клинико-эпидемиологиялык тастыкталганы — 210. Бул тууралуу Саламаттык сактоо жана социалдык өнүктүрүү министринин орун басары Жалалдин Рахматуллаев билдирди.
Аймактар боюнча көрсөткүч:
Бишкек шаарында — 661;
Чүй облусунда — 153;
Баткен облусунда — 73,
Жалал-Абад облусунда — 95;
Ысык-Көл облусунда — 52;
Ош шаарында — 8;
Ош облусунда — 59;
Нарын облусунда — 26;
Талас облусунда — 20.
Жалпысынан Кыргызстанда COVID-19га чалдыккан бейтаптардын саны 156 152ге жетти.
Ал эми акыркы суткада 1 306 бейтап коронавирустан айыгып, үйлөрүнө чыгарылды. Бишкек шаарында — 811, Чүй облусунда — 161, Ош шаарында — 37, Ош облусунда — 50, Талас облусу — 14, Ысык-Көл облусунда — 40, Жалал-Абад облусунда — 64, Баткен облусунда — 115, Нарын облусунда — 14 бейтап сакайды.
Ушуну менен өлкө боюнча 133 444 киши оорудан айыкты. Ооруканаларда 4 143 бейтап дарыланып жатат. Анын ичинен 1 173 киши оор, 236 бейтап өтө оор абалда. Ал эми үй шартында 15 060 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 7 514 .
Мындан сырткары, акыркы суткада Бишкек шаарында — 8, Чүй облусунда — 1, Жалал-Абад облусунда — 2 COVID-19ду жуктурган бейтап каза болду. Кыргызстанда илдеттен 2 238 киши көз жумду.
Ошондой эле, акыркы суткада 31 медицина кызматкеринен коронавирус аныкталгандыгы кабарланды. Бишкек шаарында — 18, Баткен облусунда — 7, Чүй, Ысык-Көл жана Ош облустарында — экиден медик COVID-19га чалдыккан. Коронавирус жуктурган медицина кызматкерлеринин саны 6 326га жетти, анын ичинен 5 576 медкызматкер илдеттен айыкты.
