28-июлда коронавирустун жаңы 996 учуру катталды. Анын ичинде лаборатордук тастыкталганы — 823, клинико-эпидемиологиялык тастыкталганы — 173. Бул тууралуу республикалык штабдан билдиришти.
Аймактар боюнча көрсөткүч:
Бишкек шаарында — 603;
Чүй облусунда — 126;
Баткен облусунда — 58;
Жалал-Абад облусунда — 92;
Ысык-Көл облусунда — 56;
Ош шаарында — 9;
Ош облусунда — 26;
Нарын облусунда — 14;
Талас облусунда — 12.
Жалпысынан Кыргызстанда COVID-19га чалдыккан бейтаптардын саны 160 085ке жетти.
Ал эми акыркы суткада 1 723 бейтап коронавирустан айыгып, үйлөрүнө чыгарылды. Бишкек шаарында — 1 213, Чүй облусунда — 184, Ош шаарында — 68, Ош облусунда — 54, Талас облусу — 9, Ысык-Көл облусунда — 28, Жалал-Абад облусунда — 79, Баткен облусунда — 69, Нарын облусунда — 19 бейтап сакайды.
Ушуну менен өлкө боюнча 140 039 киши оорудан айыкты. Ооруканаларда 3 928 бейтап дарыланып жатат. Анын ичинен 1 036 киши оор, 202 бейтап өтө оор абалда. Ал эми үй шартында 10 899 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 5 067 .
Мындан сырткары, акыркы суткада Бишкек шаарында — 8, Чүй облусунда — 3, Жалал-Абад жана Баткен облустарында — бирден COVID-19ду жуктурган бейтап каза болду. Кыргызстанда илдеттен 2 275 киши көз жумду.
Ошондой эле, акыркы суткада 22 медицина кызматкеринен коронавирус аныкталгандыгы кабарланды. Бишкек шаарында — 8, Жалал-Абад, Баткен, Ысык-Көл облустарында — экиден, Чүй облусунда — 7, Талас облусунда — 1 медик COVID-19га чалдыккан. Коронавирус жуктурган медицина кызматкерлеринин саны 6 400гө жетти, анын ичинен 5 725 медкызматкер илдеттен айыкты.
