Ош шаарынын мэриясынын коомчулук менен байланыш бөлүмүнүн жетекчиси Азамат Абсаттаров кызматынан бошотулуп, Бишкек шаарынын мэринин милдетин аткаруучу Таалайбек Сарыбашовдун кеңешчиси болуп дайындалды. Тиешелүү буйрукка мэрдин м.а. Сарыбашов кол койду.
Ош мэриясынын 4-августтагы маалыматына ылайык, Абсаттаров өз калоосу менен кызматтан кетүү тууралуу арыз жазган.
Абсаттаров Ош шаарынын басма сөз кызматын Сарыбашов мэр болуп турган учурда башкарган. Ал бул кызматты 2018-жылдан бери аркалап келген. Ал эми Сарыбашов Бишкек шаарынын мэринин м.а. болуп 2-августта дайындалган.
