Ысык-Көл облусундагы Балыкчы — Ананьево — Каракол жолунда 15-16 августта катталган эки жол кырсыгынан улам үч адам каза таап, 13 киши ар кандай жаракаттарды алды.
Биринчи авария 15-август саат 15:00 чамасында болгон. Анда Honda Odyssey унаасын башкарып бараткан 54 жаштагы киши аталган жолдун Тору-Айгыр жана Чырпыкты айылдарындагы аймагында рулга ээ боло албай жолдон чыгып ала салып кеткен.
Анын кесепетинен 80 жаштагы жүргүнчү жеринде мерт кеткен — ал Жалал-Абад облусунун тургуну болгон. Ал эми айдоочу өзү, алты, 23, 30 жана 46 жаштагы жүргүнчүлөр Балыкчы шаардык ооруканасына кайрылышкан.
![](https://ky.kloop.asia/wp-content/uploads/sites/6/2021/08/1211372.e9bf7c85b18d721ecf9726611ab40c9d.jpg)
Экинчи кырсык 16-августка караган түнү саат 00:47 чамасында Балыкчы — Ананьево — Каракол жолунун Корумду айылынын аймагында орун алган. Бул тууралуу ӨКМ кабарлады.
Анда Subaru Forester, Аudi A6 жана Mazda-626 үлгүсүндөгү унаалар кагылышып, 20 жаштагы кыз жана 31 жаштагы киши ооруканадан каза болгон. Беш аял жана үч эркек ар кандай жаракаттарды алып Чолпон-Ата шаардык ооруканасына жеткирилген.
![](https://ky.kloop.asia/wp-content/uploads/sites/6/2021/08/236664325_1285952468500282_1346286300326377192_n.jpg)
![](https://ky.kloop.asia/wp-content/uploads/sites/6/2021/08/236226894_1285952545166941_3916822031369323853_n.jpg)
![](https://ky.kloop.asia/wp-content/uploads/sites/6/2021/08/237121160_1285952421833620_7024846744089881977_n.jpg)
Расмий маалымат боюнча 2021-жылдын алты айында эле 3 396 жол кырсыгы катталып, анын кесепетинен 329 киши каза тапты. Мындан улам президент Садыр Жапаров 14-июнда ИИМге жол-транспорт кырсыктарын алдын алуу боюнча иш-чаралар копмплексин күчөтүүнү тапшырган.