Кыргызстанда 7-октябрга карата коронавирустун 104 жаңы учуру катталып, эки бейтап каза болду. Илдеттен 84 адам айыкты. Бул тууралуу Республикалык штабдан билдиришти.
- Бишкек шаарында — 69;
- Чүй облусунда — 18;
- Ысык-Көл облусунда — 10;
- Жалал-Абад облусунда — 5;
- Баткен облусунда — 1;
- Ош шаарында — 1.
COVID-19 пандемиясы башталгандан бери өлкөдө илдетке чалдыккандардын жалпы саны 179 036га жетти. Ал эми өлкө боюнча 173 796 киши вирустан айыкты. Пандемияда жалпы 2 614 киши көз жумду.
Учурда ооруканаларда 451 бейтап дарыланып жатат. Үй шартында дарылангандардын саны — 690.
Республикалык штабдын маалыматына ылайык, 7-октябрга карата COVID-19га каршы вакцинанын биринчи дозасын 5 998 адам, ал эми экинчи дозасын 4 468 киши алды.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
