Ысык-Көл облусунун Ак-Суу районуна караштуу Жыргалаң айылында кароосуз калган шахта урап, 58 жаштагы киши каза болду. Бул тууралуу Өзгөчө кырдаалдар министрлигинин басма сөз кызматы кабарлады.
![](https://ky.kloop.asia/wp-content/uploads/sites/6/2021/11/257119184_258813012958099_5426666857110741094_n.jpg)
![](https://ky.kloop.asia/wp-content/uploads/sites/6/2021/11/256821688_258813099624757_8130694816328751013_n.jpg)
![](https://ky.kloop.asia/wp-content/uploads/sites/6/2021/11/256788430_258813046291429_7122691228983357578_n.jpg)
Маалыматка ылайык, кырсык 13-ноябрь күнү кече маал катталган. Окуя болгон жерге ӨКМден 13 куткаруучу тартылып, сөөктү «Тез жардам» кызматкерлерине өткөрүп беришкен.
Ушундай эле кырсык үстүбуздөгү жылдын июль айында катталган. Анда Жалал-Абад облусунун Сузак районундагы Маркай айылынын Өрүктү тилкесинде жайгашкан шахта урап, 44 жана 46 жаштагы кишилер каза болгон.
Бул окуядан бир апта мурун Сүлүктү шаарында да шахта урап түшкөн — анда 20 жаштагы жаран каза таап, дагы бири жаракат алган.