Мамлекеттик ипотекалык компания Садыр Жапаровдун Бишкектеги үйүн аукционго койду. Баштапкы баасы — 33,7 миллион сом (395 миң доллар).
![](https://ky.kloop.asia/wp-content/uploads/sites/6/2021/11/osobnyak-zhaparova1-scaled-1.jpeg)
Ачык аукцион 2021-жылдын 24-декабрында өтөт. Мамлекеттик ипотекалык компаниянын маалыматына ылайык, эки кабаттуу үйдүн техникалык абалы — мыкты. Аянты 390 чарчы метр, жер тилкесинин жалпы аянты — 852 чарчы метрди түзөт.
Президенттин үй-бүлөсү аталган үйдү үстүбүздөгү жылдын сентябрында Мамлекеттик ипотекалык компанияга өткөрүп берген болчу.
«МИК бул турак үйдү аукционго койсо, анда бул акчага жеңилдетилген ипотекалык насыялоо программасынын алкагында 10 үй-бүлөнү батир менен камсыз кылууга болот»,— деп билдирген ошондо Жапаров.
Президенттин айтымында, аталган үйдү үй-бүлөсү 2005-жылы эле сатып алган. Кийинчерээк, 2010-жылдары башка жакка көчүп кетишип, үй ошол убактан бери бала бакча катары иштеп келген.
![](https://ky.kloop.asia/wp-content/uploads/sites/6/2021/11/zhaparov-peredal-klyuchi-ot-osobnyaka-gik-scaled-1.jpeg)
![](https://ky.kloop.asia/wp-content/uploads/sites/6/2021/11/zhaparov-peredal-klyuchi-ot-osobnyaka-gik2-scaled-1.jpeg)
![](https://ky.kloop.asia/wp-content/uploads/sites/6/2021/11/sadik-osobnyak-zhaparova-scaled-1.jpeg)
![](https://ky.kloop.asia/wp-content/uploads/sites/6/2021/11/sadik-osobnyak-zhaparova1-scaled-1.jpeg)
![](https://ky.kloop.asia/wp-content/uploads/sites/6/2021/11/sadik-osobnyak-zhaparova3-scaled-1.jpeg)
![](https://ky.kloop.asia/wp-content/uploads/sites/6/2021/11/sadik-osobnyak-zhaparova4-scaled-1.jpeg)