Республикалык ыкчам штабдын маалыматына ылайык, Кыргызстанда 12-январга карата коронавирустан эки адам каза болду, жуктуруунун 465 жаңы учуру катталды. Акыркы суткада илдеттен 97 бейтап айыгып чыкты.
- Бишкек шаарында — 345;
- Чүй облусунда — 60;
- Ош облусунда — 16;
- Жалал-Абад облусунда — 15;
- Талас облусунда – 8;
- Баткен облусунда — 8;
- Ысык-Көл облусунда — 7;
- Ош шаарында — 4;
- Нарын облусунда – 2.
COVID-19 пандемиясы башталгандан бери өлкөдө илдетке чалдыккандардын жалпы саны 186 878ге жетти. Өлкө боюнча 180 529 киши вирустан айыкты. Коронавирустан жалпы 2 823 адам көз жумду.
Учурда 523 бейтап ооруканада, ал эми 1 514 киши үй шартында дарыланууда.
Ошондой эле, 12-январга карата 6 830 адам COVID-19га каршы вакцина алды, анын ичинде 3 130 адам биринчи дозасын, ал эми 3 700 киши экинчи дозасын алды.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
