29-январда Ош шаарында «Мамлекеттик тил жөнүндө» мыйзамдын 33 жылдыгына карата инсталляция орнотулду. Бул тууралуу шаардык мэриянын басма сөз кызматы билдирди.
«Жеңиш» аянтындагы жаңы инсталляцияда белгилүү акын-жазуучулардын мамлекеттик тилди даңазалаган сөздөрү чагылдырылды.
![](https://ky.kloop.asia/wp-content/uploads/sites/6/2023/01/installyatsiya_2.jpg)
![](https://ky.kloop.asia/wp-content/uploads/sites/6/2023/01/installyatsiya_1.jpg)
![](https://ky.kloop.asia/wp-content/uploads/sites/6/2023/01/installyatsiya_3.jpg)
Иш-чарага вице-мэр Сонунбек Жунусбаев, шаардын мамлекеттик тил комиссиясынын мүчөсү Мастура Шарипова жана жаштар катышты.
Аны менен катар, мамлекеттик тилди өнүктүрүүгө салым кошкон мугалимдерге сыйлык тапшырылды.
Буга чейин 18-январда, парламентте «мамлекеттик тил жөнүндөгү» мыйзам долбоору биринчи окууда кабыл алынган. Ага ылайык, маморгандардын жумушчу тили кыргызча болот.
«Мамлекеттик тили жөнүндө» мыйзам 1989-жылы 23-сентябрда Кыргыз ССРнин Жогорку Совети тарабынан кабыл алынып, кыргыз тилине «мамлекеттик тил» макамы берилген.