Peshcom демилгелүү тобу менен Movegreen’дин экоактивисттери булганган аба көйгөйү чечилбесе бишкектиктердин жашоосу кандай болуп каларын чагылдырган ыш тууралуу комикс чыгарышты.
Ыштын пайда болуусуна үйлөрүн көмүр, тигүү цехтеринен чыккан кездеме жана башка калдыктарды жагып жылыткан конуштар себеп болуп атканы айтылып келет.
Жаңы жылда шаар бийлиги экоактивисттердин талабына карабастан салют аттыруудан баш тартпады. Фейервек атылганда кооз корүнгөнү менен абаны булгап, жан-жаныбарларды үркүтөт.
Жакынкы келечекте Бишкек шаарынын тургундарынын балдары кар ак болорун деле билбей калат.
Ышка толгон шаар зомби апокалипсис жөнүндө үрөй учурган тасмаларды, ал эми противогаз кийген шаар тургундарын жалгыз аман калгандар деп элестеттире баштайт.
Айрымдар ыш жок, абанын саматын өлчөгөн датчиктер «алдайт» деген сөзүн уланта берет.
Ал эми Бишкек шаарынын мэри кышкысын башка шаардын башчысы болуп иштеп келүүнү каалап калат, бирок баарына «Бишкекте абал анчейин деле жаман эмес» деп ишендиргенге аракет кылат.
