Ошто ири суммадагы уурулукка шектелип өспүрүмдөр кармалды. Бул тууралуу 3-мартта Ош ШИИБден билдиришти.
Милициянын маалыматына ылайык, кылмыш 22-январда Масалиев көчөсүндөгү эл көп барган кафелердин биринде болгон. Шектүүлөр түнкүсүн терезе аркылуу кирип, 5 млн сомдон ашык акчаны уурдап кетишкен.
Шектүү катары 2008-жылы туулган эки өспүрүм кармалды — алардын бири буга чейин 3 жолу кылмыш жоопкерчилигине тартылган.
Милициядан шектүүлөр акчаны бекиткен жеринен таап беришкенин, бирок анын 480 миң сомун коротуп коюшканын айтышты.
Учурда бул факт боюнча кылмыш иши козголуп, тергөө жүрүп жатат.
