Кыргызстанда 2023-жылдын үчүнчү кварталына карата жашоо минимуму 7 756 сом 46 тыйынды түздү. Бул тууралуу Улуттук статистика комитетинен билдиришти.
Маалыматка ылайык, жашоо минимуму эмгекке жарамдуу курактагыларга 8 671 сом, пенсия курагындагыларга 6 878 сом деп белгиленсе, балдар үчүн 6 415 сомду түздү.
Быйылкы жылдын үч айына карата негизги шаарлардагы жана аймактардагы жашоо минимумумун көрсөткүчү:
- Бишкек шаары — 8038 сом;
- Ош шаары — 7312 сом;
- Баткен — 7507 сом;
- Жалал-Абад — 7955 сом;
- Ысык-Көл — 7262 сом;
- Нарын — 7980 сом;
- Ош — 7229 сом;
- Талас — 7202 сом;
- Чүй — 7371 сом;
Өткөн жылдын ушул эле мезгилине карата жашоо минимуму 7242 сом 9 тыйын деп белгиленген. Эмгекке жөндөмдүү курактагылар үчүн 8100 сом, пенсия курагындагыларга 6447 сом, балдар үчүн 6149 сомду түзгөн.
Жашоо минимуму – адамдын күнүмдүк жашоо-тиричилигине жетиштүү азык-түлүк менен тейлөөнүн минималдуу наркын камтыган көрсөткүч.
ТЕМА БОЮНЧА:
