Ош шаарында TikTok соцтармагындагы түз эфирде жашы жете элек кызына спирт ичимдигин ичире турганын айткан Сүлүктү шаарынын 29 жаштагы тургуну кармалды. Бул тууралуу «Клоопко» 20-февралда шаардык милициядан билдиришти.
«Аял 17-февралда Ош шаарынын Жапалак айылындагы таанышынын үйүнө келген. Ал түз эфирде көрүүчүлөрдөн акча сурап, бербесе баласына сыра ичирерин айткан», — деп айтылат билдирүүдө.
Ошондой эле тургун аталган аракетин «хайп кармоо жана күйөөсүн коркутуу үчүн жасаганын» айтты.
Учурда кармалган тургундун аракетин юридикалык баа берүү үчүн иш тергөө кызматына өткөрүлдү.
19-февралда Tik Tok'то түз эфирге чыккан тургун азык-түлүккө чамасы жетпей жатканын, катталуучулар анын эсебине акча которбосо, наристесине сыра ичире турганын айткан видео тараган.
ТЕМА БОЮНЧА:
Ошто эгиз кыздарын сабаган 21 жаштагы аял энелик укуктан ажыратылды
Асел Ногойбаеванын мурдагы күйөөсү ата-энелик укуктан ажыратылды
