Финансы полициясы Чүй облусунун Сокулук РИИБнин кызматкерин пара алып жаткан жеринен кармады.
Маалыматка ылайык, Финансы полициясына жергиликтүү тургун кайрылып Сокулук милициясынын ыкчам өкүлү андан 3 миң доллар талап кылганын билдирген.
Ал эми 21-декабрда Финпол жана ИИМдин кызматкерлери шектүү 100 миң сом пара алып жаткан жеринен кармады.
Кармалган адам Бишкек ШИИБдин убактылуу кармоочу жайына киргизилди.
Буга чейин УКМК Жалал-Абад облусунун Сузак районунда милициянын кызматкерин 30 миң сом пара алып жаткан учурда кармаган. Милиционер кылмыш ишти кыскартуу үчүн жалпысынан 1 миң доллар талап кылган. Атайын кызмат бул окуя боюнча «Опузалап пара алуу» беренеси менен сотко чейинки өндүрүштү баштаган.
