Республикалык штаб 20-февралда Кыргызстанда коронавирустун 59 жаңы учуру катталганын маалымдады. Алардын арасында бир медик бар.
COVID-19дун эң көп жаңы учуру Бишкек шаарында жана Чүй облусунда катталды — 22 жана 18. Ошондой эле Ысык-Көл облусунда — тогуз, Ош облусунда — сегиз, Ош шаарында жана Нарын облусунда бирден кишиде илдет аныкталды.
Ошондой эле акыркы суткада коронавирустан 107 бейтап айыкты — алардын ичинде жети медик бар.
Коронавирустан Бишкек шаарында — 40, Чүй облусунда — 33, Ош облусунда — 11, Ысык-Көл облусунда — тогуз, Нарын облусунда — жети, Жалал-Абад жана Талас облустарында үчтөн, ал эми Баткен облусунда бир бейтап коронавирус инфекциясынан айыкты.
Мындан сырткары илдеттен Бишкек шаарында жана Ысык-Көл облусунда бирден киши көз жумду.
Ушуну менен Кыргызстанда COVID-19 инфекциясын жуктургандардын саны 85 831ге жетти. Алардын ичинен 82 690 бейтап айыгып, 1 452 киши көз жумду.
Бүгүнкү күндө илдеттен 391 бейтап ооруканаларда дарыланып жатат — алардын ичинен 20 киши өтө оор абалда. Ошондой эле, 358 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
