Республикалык штабдан 24-апрелде коронавирустун жаңы 325 учуру катталгандыгын маалымдашты. Анын ичинде лаборатордук тастыкталганы — 286, клинико-эпидемиологиялык тастыкталганы — 39.
Аймактар боюнча көрсөткүч:
Бишкек шаарында — 194;
Чүй облусунда — 90;
Ош облусунда — 6;
Ысык-Көл облусунда — 20;
Жалал-Абад облусунда — 6;
Ош шаарында — 2;
Баткен облусунда — 1;
Талас облусунда — 1;
Нарын облусунда — 5.
Жалпысынан Кыргызстанда COVID-19га чалдыккан бейтаптардын саны 93 603кө жетти.
Ал эми акыркы суткада 163 бейтап коронавирустан айыгып, үйлөрүнө чыгарылды. Бишкек шаарында — 84, Чүй облусунда — 54, Ош жана Баткен облустарында — бирден, Нарын жана Ысык-Көл облустарында — сегизден, Ош шаарында — эки жана Баткен облусунда — бир бейтап сакайды.
Ушуну менен өлкө боюнча 87 880 киши оорудан айыкты. Ооруканаларда 1 417 бейтап дарыланып жатат. Анын ичинен 332 киши оор, 58 бейтап өтө оор абалда. Ал эми үй шартында 1 609 киши дарыланып жатат.
Акыркы сутка ичинде жүргүзүлгөн ПЧР изилдөөлөрдүн саны — 4 593.
Мындан сырткары, акыркы суткада Бишкек шаарында — төрт жана Ысык-Көл облусунда — бир COVID-19ду жуктурган бейтап каза болду. Кыргызстанда илдеттен 1 578 киши көз жумду.
Ошондой эле, акыркы суткада 13 медицина кызматкери коронавируска чалдыкты. Бишкек шаарында — тогуз, Чүй обулсунда — эки, Ош жана Ысык-Көл облустарында — бирден медиктен коронавирус катталды. Жалпысынан коронавирус жуктурган медицина кызматкерлеринин саны 4 395ке жетти, анын ичинен 4 305 медкызматкер илдеттен айыкты.
