Социалдык тармактарда борбор калаадагы кафелердин биринин жанында бир кишиге карай ок чыгарган мас абалдагы милиция кызматкери тартылган видео пайда болгон. Жабырлануучуу аман калган, себеби октон буйтап кете алган.
Окуя 2019-жылы декабрда Бишкектеги Live Bar караоке барынын жанында болуп, ок чыгарган соң милиционер кесиптештери менен изин суутуп кеткен.
Биринчи май райондук сот милиция кызматкерине «Ээнбаштык» беренеси боюнча шектелип аткандыгы тууралуу билдирме тапшырган. Ал Бишкектин Октябрь РИИБнин кызматкери болуп чыккан.
Ошол эле күнү Биринчи май райондук сот милиция кызматкерине карата чечим чыгарып, шектүү 2 айга үй камагына алынган. УКМК «Ээнбаштык» беренеси боюнча сотко чейинки өндүрүш баштады.
«Ээнбаштык» беренесинде мыйзам бузуунун оордугуна жараша штраф же жаза мөөнөтү каралган — эгер милиционер ок атуучу куралды колдонуу менен ээнбаштык боюнча соттолсо, анда ал беш жылдан жети жылга чейин эркинен ажыратылышы мүмкүн. Бирок, эгер ал адам өмүрүнө кол салуу боюнча соттолсо, мөөнөтү кыйла жогору болмок.
Бул ок чыгаруунун айынан милиционерлерге «Ээнбаштык» беренеси боюнча иш козголуп аткан алгачкы эле учур эмес. Кээде ведомство мындай кызматкерлерин жумуштан бошотот — айрыкча, эгер иш резонанс жараткан болсо же аны бийлик талап кылса.
Ретро Метродогу ок атуу
Ушундай эле окуя 2017-жылы да катталган. Анда мас абалдагы милиция кызматкери, тагыраагы депутат Камчыбек Жолдошбаевдин күйөө баласы Айбек Сыдыков кесиптеши менен кошо Бишкектеги «Ретро Метро» түнкү клубунда ок чыгарышкан. Милиционерлер конкреттүү бир адамга карай ок чыгарышпаганы менен түнкү клубду атышкан. Бул окуядан кийин аларга каршы «Бейбаштык» беренеси боюнча кылмыш иши козголгон.
Алар 2018-жылы күнөөлүү деп табылып, шартуу мөөнөткө кесилишкен. Ал эми 2019-жылы Сыдыков бир түндө эки жол кырсыгын жаратып, окуя болгон жерден качып кетүүгө аракет кылган.
«Космопарктагы» ок атуу
2017-жылы мас абалдагы милиция кызматкери Бишкектеги «Космопарк» кинотеатрынын алдында бир кишиге карата ок чыгарган. Жабыркаган киши ооруканага кайрылгандан кийин милиционер өзүнө кол салуу болуп, коргонгонун айткан.
Милиционер кызматынан алынып, ага карата иш козголгон. Бирок, жабыркаган адамга карата да «Ээнбаштык» беренеси боюнча иш козголгон.
Жол талашуу
2019-жылы милиционер бир адам менен жол талаша кетип, аны атып салган. ЖМКлардын маалыматы боюнча, жабыркаган адам кийинчерээк милиционерге жазган арызын чакыртып алган. Башкы прокуратура иш УКМКга өткөрүлгөнүн билдирген, бирок ведомство эч кандай комментарий берген эмес.
Уурдоо жана өлтүрүү
2019-жылы милиция бизнесмен Хуфур Абдурахеманды уурдоо жана өлтүрүүгө шектүүлөрдү кармаган. Шектүүлөрдүн экөөсү ар убактарда милицияда иштешкен. ИИМдин маалыматына ылайык, алар кызматтарынан «жол берилген укук ченемдерин бузуу үчүн» бошотулушкан. Алардын ичинен бирөөсү уурдоону уюштурунун үстүнөн иштеп, ал эми экинчиси бизнесмендин көзүн тазалаган.
Автору: Алтынай Молдогазиева
