Баткен облусунда коронавирусту жуктуруп алган жалпы алты бейтаптын бешөөсү айыгып, ооруканадан чыгарылган. Бул тууралуу Өкмөтүнүн Баткен облусундагы ыйгарым укуктуу өкүлчүлүгүнүн басма сөз катчысы Чолпон Бердикулова билдирди.
![](https://ky.kloop.asia/wp-content/uploads/sites/6/2020/04/Batken1.jpg)
![](https://ky.kloop.asia/wp-content/uploads/sites/6/2020/04/Batken2.jpg)
![](https://ky.kloop.asia/wp-content/uploads/sites/6/2020/04/Batken3.jpg)
Өпкө илдетинен айыккандардын үчөөсү Баткен шаарында экөө Кызыл-Кыя шаарында дарыланышкан.
Баткенде алгачкы айыккан бейтапта коронавирус 21-мартта аныкталып, ал ооруканага жаткырылган. Ал эми 4-апрелде андан COVID-19га алынган анализдери терс жыйынтыкты көрсөткөн. Экинчи бейтап 20-апрелде, ал эми дагы үч бейтап — Баткен шаарынын бир тургуну жана Кызыл-Кыя шаарынын эки тургуну — кечээ, 22-апрелде, ооруканадан чыгарылышты. Алардын ичинде эки саламаттык сактоо кызматкери да бар.
Белгилей кетсек, илдеттен айыккан акыркы үч бейтап коронавирусту жуктуруп келгендер менен карым-катнашта болгонгондор.
Кыргызстанда 23-апрелге карата жалпы 631 адамда коронавирус аныкталды — алардын 302си оорудан айыкты. COVID-19ду жуктуруп алгандардын арасында дээрлик 25 пайызы — 162 бейтап — медицина кызматкери.