Саламаттык сактоо министринин орун басары Нурболот Үсөнбаев 20-августка карата коронавирустун жаңы 182 учуру катталганын, алардын арасында 14 медкызматкер бар экенин айтты.
Бир суткада катталган жаңы учурлардын аймактардагы көрсөткүчү:
Жалал-Абад облусу — 44;
Баткен облусу — 37;
Бишкек шаары — 23;
Чүй облусу — 23;
Ош облусу — 20;
Ысык-Көл облусу — 13;
Талас облусу — 9;
Ош шаары — 7;
Нарын облусу — 6.
Ошондой эле, өткөн суткада 289 бейтап айыгып, бир киши көз жумду.
Расмий түрдө COVID-19ду жуктуруп алгандардын саны 42 507ге жетти — алардын арасында 3 059 медицина кызматкери бар. Ал эми бейрасмий маалымат боюнча өлкөдө 160 миңдей киши коронавируска чалдыгып, жеңил формада айыккан — алар ооруканаларга кайрылышпай, үй шартында дарыланышкан.
Коронавирусту жуктуруп алгандардын 35 486сы айыгып, 1 055 киши каза болду. Учурда 1 309 бейтап ооруканаларда калууда. Ошондой эле, 4 427 киши үй шартында дарыланып жатат.
Эң көп бейтап Жалал-Абад облусундагы стационарларда дарыланып жатышат — 264. Ошондой эле, Ош облусунда — 224, Бишкек шаарында — 201, Ысык-Көл облусунда — 196, Чүй облусунда — 123, Баткен облусунда — 115, Ош шаарында — 74, Нарын облусунда — 58 жана Талас облусунда — 54 киши ооруканаларда калууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
