Республикалык штаб 2-январда Кыргызстанда коронавирустун жаңы 58 учуру катталганын маалымдады. Илдетти жуктургандардын арасында эки медициналык кызматкер бар.
Аймактар боюнча:
Бишкек шаары — 30 (бир медик, кызыл зонада иштеген);
Чүй облусу — жети;
Ысык-Көл облусу — жети (бир медик);
Ош шаары — беш;
Нарын облусу — төрт;
Баткен облусу — үч;
Талас облусунда — эки адамдан илдет аныкталды.
Ал эми акыркы суткада коронавирустан 203 бейтап айыкты — алардын арасында беш медик бар.
Коронавирустан Бишкек шаарында — 75, Чүй облусунда — 42, Ысык-Көл облусунда — 38, Ош шаарында — 17, Жалал-Абад облусунда — 13, Ош облусунда — жети, Баткен облусунда — алты, Талас облусунда — үч жана Нарын облусунда эки бейтап айыгып, ооруканадан чыгарылды.
Мындан сырткары Бишкек шаарында COVID-19 жуктурган эки бейтап каза болду.
Ушуну менен Кыргызстанда COVID-19 инфекциясын жуктургандардын саны 81 214кө жетти. Анын ичинен 76 351 бейтап айыгып, 1 358 киши көз жумду.
Алгач, 18-августта, COVID-19дан улам каза болгон бейтаптардын саны 1 498ге жеткен, бирок Саламаттык сактоо министрлиги алардын санын 29 пайызга азайткан.
Бүгүнкү күндө илдеттен 985 бейтап ооруканаларда дарыланып жатат — алардын ичинен 49 киши өтө оор абалда. Ошондой эле, 1 604 адам үй шартында дарыланууда.
