БШКнын саат 18:00гө карата маалыматына ылайык, өлкөдө жергиликтүү кеңешке шайлоодо 30,89%, ал эми Конституцияны өзгөртүү боюнча референдумда 29,44% шайлоочу добуш берди. Референдумда дагы деле Ош шаары активдүүлүгүн көрсөтүүдө (38,26%). Баарынан Бишкекте добуш бергендер аз болууда (24,30%).
Жалпысынан өлкө боюнча референдумда добуш берүүгө 1 061 591, ал эми жергиликтүү кеңешти шайлоого 1 024 891 шайлоочу катышты. Мындай айырма референдумдагы шайлоочулардын саны башынан эле 9 миңге көп болгондуктан келип чыккан.
Жаңы Конституцияны кабыл алуу боюнча референдум өттү деп эсептелиши үчүн жалпы шайлоочулардын жок дегенде 30%ы келиши керек. Эгерде бул көрсөткүчкө жетпей калса, референдум өткөн жок деп табылат.
Дагы окуңуз: Жергиликтүү шайлоого барам, бирок референдумга каршымын дегендер үчүн нускама
