![](https://ky.kloop.asia/wp-content/uploads/sites/6/2021/06/Azamat-Ramatillaev.jpg)
Жалал-Абад шаарынын биринчи вице-мэри Руслан Алтымышев башка кызматка которулгандыгына байланыштуу, ээлеген кызматынан бошотулду. Анын ордуна Азамат Раматиллаев дайындалды. Тиешелүү буйрукка мэр Эрнисбек Ормоков 3-июнда кол койду.
Азамат Раматиллаев — 37 жашта. Ал буга чейин Каржы министрлигинин Жалал-Абад шаардык башкармалыгынын башчысы болуп эмгектенген.
Жалал-Абад шаарынын мэри Эрнисбек Ормоков 2020-жылдын декабрында жалгыз талапкер катары бир добуштан шайланган. Аны менен бирге мэрлик кызматка талапкерлигин койгон Эрнист Зияйдинов шайлоо күнү талапкерлигин алып койгон.
Эрнисбек Ормоков — Жалал-Абад шаардык кеңештин үч чакырылышынын депутаты болгон. Ошондой эле, Ормоков шаардык кеңешке «Ата журт» партиясынан келген, ал эми 4-октябрдагы парламенттик шайлоого «Мекенчил» партиясынан аттанган. Ал тизмеде №14 орунда болгон.